Увс аймагт төслийн суурь түвшнийг тодорхойлж ажиллав
Аймаг сумын бүсчилсэн ногоон хөгжлийн хөрөнгө оруулалтын хөтөлбөр төслийн Мал аж ахуй, бэлчээрийн менежмент бүрэлдэхүүн хэсгийн дэд зохицуулагч Б.Ванчиндорж, агрономч Н.Оюунсувд, мал аж ахуй, агро бизнесийн мэргэжилтэн М.Галбадрах, бэлчээрийн асуудал хариуцсан мэргэжилтэн П.Наранбаатар, малчдын байгууллага, баталгаажуулалтын мэргэжилтэн А.Алтанзул, хот байгуулалтын мэргэжилтэн Ё.Лхагвадорж, нүүлгэн шилжүүлэлтийн мэргэжилтэн Ч.Бэлэгсайхан Увс аймаг дахь төслийн нэгжийн хяналт шинжилгээ, үнэлгээ хариуцсан ажилтан Д.Алтанцэцэг, санхүү, худалдан авах ажиллагаа хариуцсан ажилтан Г.Цэдэнбал, инженер М.Сайнжаргал нар Увс аймгийн Ховд, Өмнөговь, Тариалан, Давст, Сагил, Улаангом сумдад ажиллав.
Томилолтын хугацаанд малчид, малчны хоршоод, мал эмнэлэг, үржил селекц, услалтын систем, малын тэжээл тариалалт, бэлчээрийн менежментийн нөхцөл байдалтай танилцаж, орон нутгийн удирдлага, холбогдох мэргэжилтэн аж ахуй нэгж, малчид, иргэдтэй уулзалт зохион байгуулж, төслийн хүрээнд төлөвлөгдсөн ажлуудын суурь түвшнийг тодорхойлон, цаашид төслийг үр дүнтэй хэрэгжүүлэх асуудлаар оролцогч талуудтай санал солилцож, зарим асуудлыг газар дээр нь шийдвэрлэж ажиллав.
Увс аймгийн төсөл хэрэгжүүлэх сумдад нэн тулгамдсан асуудлуудад оролцогч талууд ач холбогдол өгч төслийн төлөвлөгдсөн ТЭЗҮ-нээс гадна төслийн шугамаар дараах асуудлуудыг шийдвэрлүүлэх хүсэлтийг иргэд, орон нутгийн удирдлагуудын зүгээс тавьсан байна.
- Өндөр уулсын бүс болох Тариалан суманд уулын ус ашиглах хөв цөөрөм бий болгож улмаар Галдан бошигтын бух /шуудуу/-ыг бүрэн хүчин чадлаар ашиглан “Алтан унхраг” дахь 800 га талбайг ашиглах.
- Өмнөговь сумын Хархагийн услалтын систем, Тариалан сумын Тээлийн боомын услалтын системүүүдийг ашиглалтанд оруулан ойролцоо талбайнуудын ашиглалтыг нэмэгдүүлэх.
- Өмнөговь сум болон Улаангом сумандагропарк байгуулах газрыг эцэслэн тохирох.
Төсөл хэрэгжүүлэх нэгжийн томилолтын багийн бүрэлдэхүүн Аймгийн ЗДТГ, Хөдөө аж ахуйн газар, Мал эмнэлгийн газар болон төсөл хэрэгжих Ховд, Өмнөговь, Тариалан, Сагил, Давст, Улаангом сумдад мал аж ахуй, бэлчээрийн менежмент, малын эрүүл мэндийн чиглэлээр сургалт зохион байгуулж салбаруудын дата мэдээллийн санг цуглуулж ажилласан байна.
